गौरादह, २२ माघ । झापाको गौरादहमा सञ्चालन भइरहेको गौरादह साँस्कृतिक महोत्सव-२०८० मा आज माघ २२ गते सोमबारका दिन चर्चित गायिका टीका प्रसाईको विशेष साँगीतिक प्रस्तुति रहने भएको छ ।
बेलुका ७ः०० बजेदेखि प्रस्तुत हुने गायिका प्रसाईले माया लुकी लुकी, नाई मलाई थाहा छैन जस्ता आफ्ना चर्चित गीतमार्फत मनोरञ्जन गराउने छिन् । गायिका प्रसाईसँगै स्थानीय कलाकार र साङ्गीतिक समूहको पनि विशेष प्रस्तुति रहने छ ।
लायन्स क्लब अफ गौरादह युनाइटेड र जे.एस. फिल्मस्को आयोजनमा माघ ११ गतेबाट गौरादह-१, डिपु चौकमा सुरु भएको महोत्सव माघ २५ गतेसम्म जारी रहनेछ ।
Discussion about this post