झापा । नेपाल खेलकुद पत्रकार मञ्च झापाको तेस्रो जिल्ला अधिवेशनबाट अध्यक्षमा इन्द्रजित मुखिया सर्वसम्मत चयन भएका छन् ।
बिर्तामोडमा सम्पन्न जिल्ला समन्वय शाखाको तेस्रो अधिवेशनले पत्रकार मुखियालाई अध्यक्षमा सर्वसम्मत चयन गरेको हो । तीन वर्षे कार्यकालका लागि मुखियाको नेतृत्वमा खेलकुद पत्रकार मञ्चले नयाँ नेतृत्व पाएको हो ।
यस्तै, मञ्चको उपाध्यक्षमा प्रेम आचार्य र सचिवमा चीरञ्जीवि घिमिरे सर्वसम्मत भएका छन् ।
सहसचिवमा भूमिका सुब्वा र कोषाध्यक्षमा प्रकाश बानियाँलाई चयन गरिएको छ । सदस्यहरुमा रोहित काफ्ले, तीर्थ तिम्सिना, विष्णु श्रेष्ठ, तिलक योञ्जन, नारायण अर्याल र आयुष निरौला चयन भएका छन् ।
अध्यक्ष हिमाल खरेलको अध्यक्षतामा सम्पन्न कार्यक्रमको सञ्चालन सचिव अर्जुन राजवंशीले सञ्चालन गरेका थिए ।
Discussion about this post