कमल, ३० चैत । झापाको कमल गाउँपालिकाकी उपाध्यक्ष प्रमिला न्यौपाने तिवारीले आफ्ना पति स्व. धनप्रसाद तिवारीको नवौँ स्मृति-दिवसको अवसरमा कमल गाउँपालिकाअन्तर्गतका सामुदायिक विद्यालयहरू तथा कमल गाउँपालिका कार्यालयलाई दान-पेटिकाहरू वितरण गर्नुका साथै प्रत्येक दान-पेटिकामा रू ५०० का दरले दान समेत गर्नुभएको छ।
उक्त दानपेटिकाबाट सङ्कलित रकमबाट विद्यालयहरूले विपन्न वर्गका विद्यार्थीहरूलाई शैक्षिक सहयोग पुर्याउन सक्ने अपेक्षा गरिएको छ ।
कमल गाउँपालिकाकी उपाध्यक्ष प्रमिला न्यौपाने (तिवारी)को अध्यक्षतामा सञ्चालित स्व. धनप्रसाद तिवारी स्मृति-दिवस तथा दान-पेटिका वितरण कार्यक्रममा युवा, खेलकुद तथा शिक्षा शाखा प्रमुख सूर्यप्रसाद न्यौपाने, विभिन्न विद्यालयका वि.व्य.स. अध्यक्षहरू, प्रधानाध्यापकहरू, शिक्षकहरू, पत्रकारहरू लगायतको उपस्थिति रहेको थियो ।
कार्यक्रममा सामूहिक राष्ट्रिय गानपश्चात् स्व. धनप्रसाद तिवारीको सम्झनामा एक मिनेट मौन धारण गरिएको थियो । उक्त कार्यक्रममा गोविन्द तिवारीले आफ्ना दाजु स्व. धनप्रसाद तिवारीको सामाजिक व्यक्तित्वमाथि चर्चा गर्नुभएको थियो भने कार्यक्रमको सञ्चालन कमल गाउँपालिका शिक्षा शाखाका प्रा.स. रबिन गौतमले गर्नुभएको थियो ।
Discussion about this post