नवौँ दमक फुड फेस्टिवलमा आज अन्तिम दिन शुक्रबार र्यापर जी बबको प्रस्तुति रहने

दमक, १९ फागुन । झापाको दमकमा नवौँ दमक फुड फेस्टिवल-२०७९ को अन्तिम दिन तथा नवौँ दिन अर्थात आज फागुन १९ गते शुक्रबार चर्चित र्यापर सुदिप भण्डारी ‘जी बब’ को प्रस्तुति रहने भएको छ ।

बेलुका ८ः३० बजेदेखि प्रस्तुत हुने र्यापर जी बबले आफ्ना चर्चित गीतमार्फत मनोरञ्जन गराउने छन् । र्यापर जी बबसँगै स्थानीय कलाकार र साङ्गीतिक समूहको पनि विशेष प्रस्तुति रहने फुड फेस्टिवलका सदस्य काजी राउतले जानकारी दिए ।

होटल व्यवसायी संघको आयोजनमा फागुन ११ बाट दमकको पशुहाटमा सुरु भएको फुड फेस्टिवल आज फागुन १९ गते शुक्रबार समापन हुदैछ ।