हरितालिका तीजको अवसरमा कमलमा वृहत साँस्कृतिक कार्यक्रम हुने

कमल । झापाको कमल गाउँपालिकामा हरितालिका तीजको अवसरमा वृहत साँस्कृतिक कार्यक्रम हुने भएको छ ।

विगतका वर्षहरुमा विभिन्न साँस्कृतिक कार्यक्रम गर्दै आएको श्री राधाकृष्ण किर्तन मण्डलीले यस वर्ष पनि नेपाली हिन्दु महिलाहरुको महान चार्ड हरितालिका तीजको अवसरमा एकल नृत्य प्रतियोगिता, सामुहिक नृत्य प्रतियोगिता, हण्डीफुटाई (महिलाहरुका लागि मात्र), कुर्सी दौड (महिलाहरुका लागि मात्र) र तीज विशेष नाटक प्रस्तुति समेत रहने किर्तन मण्डलीका सदस्य अग्रिना पराजुली बताए ।

उक्त कार्यक्रम यही भदौ १४ गते मंगलबार विहान १० बजेदेखि श्री चन्द्रेश्वर शिवपाञ्चायन मन्दिरको प्राङ्गण कमल-४,६ स्थित जीवन चौकमा हुनेछ र कार्यक्रम श्री राधाकृष्ण किर्तन मण्डलीको आयोजना र मित्रता बाल क्लबको सहआयोजना हुने बाल क्लबका सदस्य आर्दश सिग्देलले बताए ।