धरान – धरान उपमहानगरपालिकामा मतगणना स्थगित भएको छ। वडा नम्बर २० मा १८ वटा मतपत्रमा मतदान अधिकृतको हस्ताक्षर नभएको पाइएपछि मतगणना स्थगित भएको हो।
माओवादी केन्द्रको ११, नेपाली कांग्रेसको चार र नेकपा एमालेको तीनवटा गरी १८ वटा मतपत्रमा हस्ताक्षर नभएको पाइएपछि दलका कार्यकर्ताले विरोध र नाराबाजी गरेपछि मतगणना स्थगित भएको इलाका प्रहरी कार्यालय धरानका प्रहरी निरीक्षक गजेन्द्र रायले जानकारी दिए।
विरोध र नाराबाजीको कारण मतगणना अगाडि बढाउन नसकेकाले अहिले धरानको सबै वडाको मतगणना स्थगित भएको सहायक निर्वाचन अधिकृत गणेशप्रसाद खतिवडाले बताए।
Discussion about this post