मोबाइल व्यवसायी संघद्वारा दमकको तिनवटै प्रशासन कार्यालयमा ज्ञापन पत्र बुझाए

दमक – झापाको दमकका मोबाइल व्यवसायीहरुले आज इलाका प्रशासन कार्यालय, दमक प्रहरी कार्यालय र दमक नगरपालिकामा पुगेर ज्ञापन पत्र बुझाएका छन् । दमकका मोबाइल पसलहरुबाट पछिल्लो समय चोरीको घटनाहरु बढिरहेको भन्दै व्यवसायीहरुले प्रशासनको ध्यानाकर्षणसहित ज्ञापन पत्र बुझाएका हुन् ।

दमक मोबाइल व्यवसायी संघका कार्यसमिति सदस्य समेत रहनुभएका दमक स्थित इन्फिनिटी टेक पसलका सञ्चालक प्रबल भण्डारीका अनुसार आज दमकका मुख्य तिनवटै प्रशासन कार्यालयमा बुझाइएको हो । मोबाइल व्यवसायी संघ दमकका अध्यक्ष भेनस श्रेष्ठको नेतृत्वमा दमक उद्योग बाणिज्य संघका बरिष्ठ उपाध्यक्ष गोपाल गुरागाई र नेपाल मोबाइल बितरक संघ प्रदेश अध्यक्ष हरिप्रसाद उप्रेतीसहितको टोलीले प्रशासनको ध्यानाकर्षण गराउदै ज्ञापन पत्र बुझाइएको मोबाइल संघका सदस्य भण्डारीले जानकारी दिए ।

सो ज्ञापन पत्रमा हालै (वैशाख १२ गते) सोमबार दमक–८ पुरानो बसस्टेण्डमा न्यु सगरमाथा इन्पेक्स फर्ममा, गत मंसिर २४ गते दमक–५ स्थित इन्फिनिटी टेक पसलमा २५ लाख रुपैया बढीको मोबाइल, ल्यापटब र मोबाइलका एसोसिरिजहरु चोरी भएको जनाएको छ । त्यस्तैं, चैत १७ गते दमक–८ मा नेक्सस मोबाइल पसलमा चोरी भएको घट्नाहरु ज्ञापन पत्रमा उल्लेख छ ।

सो क्रममा व्यवसायीहरुले चोरीका घटनाहरु दोहोरिरहनु दुःखद भएको भन्दै त्यसलाई रोक्न प्रहरी प्रशासनलाई माग समेत गरेका छन् । उनीहरुले यस्तो घट्नाहरुले व्यवसायीहरु पलायन हुदै जाने अवस्था नबनाउन जोडदार माग गरेका छन् ।