माओबादी केन्द्रले वडा नं. २ बाट स्थानिय तहको निर्बाचनमा वडा अध्यक्षको उम्मेदवार रुद्र बहादुर कार्कीलाई

दमक । आसन्न स्थानिय तहको निर्बाचन नजिकिए सङ्गै विभिन्न दलहरुले आआफ्ना दलको तर्फबाट वडा तथा नगरमा उम्मेद्दारहरु छनौट गरि आफ्ना उम्मेद्दारहरु पठाउन थालेका छन् ।

आज दमकमा एक कार्यक्रमको आयोजना गरि नेपाल कम्युनिस्ट पार्टी माओबादी केन्द्र वडा नंं २ पार्टी कमिटिले पनि बैसाख ३० गते हुने आसन्न स्थानिय तहको निर्बाचनकालागि पार्टीको तर्फबाट वडा अध्यक्षको उम्मेद्दारको रुपमा २ नं. वडा पार्टीका ईन्चार्ज समेत रहेका रुद्र बहादुर कार्कीलाई पठाउने निर्णय गरेको छ । त्यसैगरी वडा समिति सदस्यहरुमा चन्द्रकुमार राई, र जगत बहादुर श्रेष्ठलाई पार्टी कमिटिले अघि सारेका छ ।

उक्त कार्यक्रमको प्रमुख अतिथीमा रुपमा १ नं. प्रदेश कमिटी सदस्य दुर्गा चौलागाई (श्रीकान्त)को प्रमुख आतिथ्यता रहेको थियो भने अतिथिहरुमा दमक नगर पार्टी ईन्चार्ज बेदु गौतम साथै पार्टी नगर कमिटी सदस्यहरु देवि आङ्ग्देम्बे, गणेश चाम्लिङ्ग राई, सुस्मा अधिकारी तथा दमक नगर कमिटी निर्बाचन परिचालन सह कमान्डर बिनोद तिम्सिना साथै पार्टिका २नं. सहईन्चार्ज अग्नि गजुरेल तथा अन्य सदस्यहरुको समेत उपस्थिति रहेको थियो । कार्यक्रमको सन्चालन वडा नं. २ का पार्टी सचिव लक्ष्मी नेपालले गर्नुभएको थियो भने भेलाका अध्यक्षता बर्तमान पार्टीका अध्यक्ष समेत रहेका जगत बहादुर श्रेष्ठले गर्नुभएको थियो ।