एड्भान्स अस्पतालद्वारा स्पाईन केयर युनिट सञ्चालन

दमक – दमक वडा नम्बर ७ मा रहेको एड्भान्स अस्पतालले स्पाईन केयर युनिट सञ्चालनमा ल्याएको छ । अस्पतालमा शुक्रबार औपचारीक कार्यक्रमका विच उक्त केयर युनिट सञ्चालनमा आएको हो । मेरुदण्ड रोग बिषेसज्ञ प्राध्यापक डाक्टर गौरबराज ढकालको प्रत्यक्ष निगरानीमा रहने गरि एड्भान्समा उक्त केयर युनिट सुरु गरिएको अस्पतालका सञ्चालक चैतन्य बरालले जानकारी दिनुभयो ।

एड्भान्स अस्पताल सञ्चालक समिति सदस्य दिपक खरेलको अध्यक्षता र दमक नगरपालीका स्वास्थ्य अधिकृत नगेन्द्र भट्टराईको बिषेस उपस्थितिमा उक्त केयर युनिटको सुरुवात गरिएको हो । एड्भान्स अस्पतालका हाडजोर्नि तथा नशा रोग बिषेसज्ञ डा. अनुप पोखरेलले मेरुदण्ड रोग बिषेसज्ञ डा. ढकाल संगको समन्वयमा स्पाईन सम्बन्धि समस्या भएका बिरामीको उपचार गरिने व्यवस्था मिलाईएको अस्पतालका मेडिकल सुपरिटेन्डेन डा. बिकाश सुवेदीले जानकारी दिनुभयो ।

अब ढाड, कम्मर, गर्धन दुख्ने तथा ढाडको नशा च्यापिएका बिरामीले अन्यत्र धाउनु पर्ने समस्या समाधान हुने उहाँले बताउनु भयो । तत्काल केयर युनिट सञ्चालन गरिएको भए पनि केहि समय भित्रमै एड्भान्स अस्पतालमा अप्रेसन थिएर समेत स्पाईनको सबै उपचार गर्ने तयारी भैरहेको डा. सुबेदीले बताउनु भयो ।