सॅसदमा खुश्वु ओलीको अभिव्यक्ती प्रति महासॅघको आपत्ती ।

१३ जेष्ठ २०८३ काठमडौ ।

राष्ट्रिय ख्रीष्टियन महासंघ, नेपाल (FNCN) ले प्रतिनिधि सभामा व्यक्त गरिएको अभिव्यक्तिप्रति कडा आपत्ति जनाउँदै सम्बन्धित सांसदमाथि कारबाही गर्न माग गरेको छ ।

महासंघका अध्यक्ष रेभ. उद्धव प्रसाद चिमाेरियाद्वारा सभामुख डाेल प्रसाद अर्याललाई सम्वाेधन गर्दै जारिगरिएकाे ध्यानाकर्षण पत्रमा प्रतिनिधि सभा बैठकमा राष्ट्रिय प्रजातन्त्र पार्टीका सांसद खुस्बु ओलीले दिएको अभिव्यक्तिले सम्पूर्ण ख्रीष्टियन समुदायको धार्मिक आस्था र सामाजिक सम्मानमा गम्भीर चोट पुगेको उल्लेख गरिएको छ ।

महासंघले संसदजस्तो गरिमामय थलोमा कुनै पनि समुदायलाई लक्षित गर्दै अपमानजनक टिप्पणी गर्नु दुर्भाग्यपूर्ण भएको जनाएको छ । पत्रमा नेपाल बहुधार्मिक, बहुसांस्कृतिक र समावेशी राष्ट्र भएकाले सबै धर्म र समुदायप्रति समान सम्मान आवश्यक रहेको उल्लेख छ ।

महासंघले सांसद ओलिको अभिव्यक्तिले ख्रीष्टियन समुदायप्रति नकारात्मक धारणा फैलाउने, सामाजिक सद्भाव भड्काउने र धार्मिक सहिष्णुतामाथि प्रहार गर्ने काम पटक पटक गरिरहेकाे र हिजाे सदनबाट समेत गरेको हुनाले याे कदम चाल्न बाध्य भएकाे जनाएको छ । महासंघले उक्त अभिव्यक्ति संसदको अभिलेखबाट हटाउन, सार्वजनिक रूपमा क्षमायाचना गराउन तथा भविष्यमा यस्ता गतिविधि दोहोरिन नदिन आवश्यक कदम चाल्न सभामुखसमक्ष माग गरेको छ ।

महासंघले संविधानले प्रत्याभूत गरेको धार्मिक स्वतन्त्रता, मानव अधिकार र राष्ट्रिय एकताको सम्मान गर्न सबै पक्ष जिम्मेवार हुनुपर्ने पनि जनाएको छ ।