सिक्किम सरकारको मुख्य मन्त्रीमा पुन पि .एस गोले ।

२० जेस्ठ २०८१ सिक्किम ।

भारतको सिक्किममा एक पटक फेरि ‘सिक्किम क्रान्तिकारी मोर्चा’ ले सरकारको नेतृत्व गर्ने भएको छ । सिक्किम विधानसभाको भर्खरै सम्पन्न मत परिणामले ‘सिक्किम क्रान्तिकारी मोर्चा’ बहुमत अधारका साथ सरकारको नेतृत्व गर्ने सुनिश्चित गरिदिएको हो ।
३२ सदस्यीय विधानसभामा ‘सिक्किम क्रान्तिकारी मोर्चा’ले ३१ सिट कब्जा गरेको छ । सिक्किम विधानसभामा कांग्रेस आई र भारतीय जनता पार्टीको उपस्थिति शून्य भएको छ ।

सिक्किम क्रान्तिकारी मोर्चा’का नेता प्रेमसिंह तामाङ (पिएस.गोले)मुख्यमन्त्रीमा दोहोरिने भएका छन् । आफ्नो पार्टीको बहुमतको जितपछि उनले दोस्रो कार्यकाल सुरु गर्ने सहज वातावरण प्राप्त गरेका छ्न ।

पीएस गोले’ उपनामबाट समेत चिनिने प्रेमसिंह तामाङले सन् २०१९ को निर्वाचनमा आफ्नो पार्टीलाई १७ सिट दिलाएका थिए । त्यसपछि सिक्किमको मुख्यमन्त्री बनेका उनले अहिले विधानसभामा आफ्नो पार्टीको उपस्थिति एकलौटीजस्तो बनाएका हुन् ।

सन् २०१९ मा उनले २४ वर्षदेखि सत्तामा रहँदै आएका पवन चाम्लिङलाई विस्थापित गरेका थिए । तामाङले सन् २०१३ मा पूर्वमुख्यमन्त्री चाम्लिङको पार्टी ‘सिक्किम डेमोक्रेटिक फ्रन्टमा विद्रोह गरेर ‘सिक्किम क्रान्तिकारी मोर्चा’ गठन गरेका थिए

त्यसको अर्को वर्ष भएको निर्वाचनमा ‘सिक्किम क्रान्तिकारी मोर्चा’ले विधानसभाका ३२ मध्ये १० सिटमा जित हासिल गरेको थियो ।