चुलाचुलीमा अखिल (क्रान्तिकारी) गाउँसमितिको अध्यक्षमा लिम्बू चयन

दमक । इलामको चुलाचुली गाउँपालिकामा अखिल (क्रान्तिकारी) को तेस्रो पालिका सम्मेलन तथा प्रशिक्षण कार्यक्रम सम्पन्न गर्नुका साथै चुलाचुली गाउँसमिति गठन गरिएको छ ।

उक्त समितिको अध्यक्षमा रोशन लिम्बू चयन भएका छन् । त्यस्तै उपाध्यक्षहरूमा जेबिल राई र पुष्कर भट्टराई, सचिवमा निशा पौडेल, सहसचिवहरूमा सन्जु अधिकारी र अनुज भट्टराई र कोषाध्यक्षमा दिब्य लोकान्दी सहित १५ कार्यसमिति चयन भएका छन् ।

कार्यक्रममा अखिल(क्रान्तिकारी) चुलाचुली गाउँसमितिको तेस्रो सम्मेलन आयोजक समितिका अध्यक्ष अनिल लावतीको अध्यक्षता, संगठनको प्रदेश सचिवालय सदस्य तथा इलाम जिल्लाका अध्यक्ष नयन बान्तावा (राई)को प्रमुख आतिथ्यता तथा पार्टी जिल्ला समन्वय समिति सदस्य तुला लावतीको विशिष्ट आतिथ्य, पार्टी जिल्ला समन्वय समिति सदस्य हेमसागर भट्टराई, नेकपा माओबादी चुलाचुली गाउँ समिति उपाध्यक्ष तथा अखिल (क्रान्तिकारी) इलाम जिल्ला उपाध्यक्ष चन्द्र डाँगी, संगठन झापा जिल्ला उपाध्यक्ष लक्ष्मी नेपाल, दमक नगर अखिल (क्रान्तिकारी) अध्यक्ष पर्बत सुवेदी, दमक बहुमुखी स्ववियु कोषाध्यक्ष उमा राई, दमक बहुमुखी स्ववियु सदस्य भिष्मराज सम्बाहाम्फे, अखिल (क्रान्तिकारी) इलाम जिल्ला सदस्य विशाल बराइली लगायतको उपस्थिति रहेको थियो ।