राष्ट्रिय ख्रीष्टियन महासंघबाट प्रदेश १ समितिको संयुक्त राजिनामा

डिकेन्द्र बस्नेत, ३ फागुन, झापा / राष्ट्रिय ख्रीष्टियन महासंघ प्रदेश १ को समितिले आज एक प्रेस विज्ञप्ति मार्फत संयुक्त रुपमा राजिनामा दिएका छन् ।

राष्ट्रिय ख्रीष्टियन महासंघ नेपालको कानुनको दायराभित्र रहेर नेपाली ईसाईहरुको अधिकार र पहिचानलाई बलियो एजेन्डाको साथ एउटै मिश्रण दर्शन र बोझ लिएर स्थापना भएको थियो । छोटो समयमै बलियो नेतृत्व र पृथक पहिचानको कारण ७ वटै प्रदेशमा कार्यसमिति तयार समेत भएको हो ।

विज्ञप्तिमा भनिएको छ महासंघ पछिल्लो समयमा एकाएक विविध बखेडामा अल्झिएको, संस्थालाई प्रत्यक्ष तथा अप्रत्यक्ष असर पर्ने गरि महासंघका केही पदाधिकारीहरु बाट व्यक्तिगत स्वार्थ पूरा गर्ने सम्मको दुर्नियत राखिएको, यी सबैको बाबजुद प्रदेशमा कुनै खवर नगराएको, नाटकिय होडबाजी लगाएत, केन्द्रीय कार्यसमितिको लापरबाहीले विश्वासनियतमा प्रश्न खडा भएको लगाएत विषय समेटिएको छ।