कमल । झापाको कमलमा रहेको कमलनगर जेसिजको वर्ष २०२२ का अध्यक्ष नारायण बस्नेत नेपाल जेसिज वर्ष २०२३ को ‘नेशनल मिडिया कमिटि’ सदस्य पदमा मनोनयन भएका छन् ।
बस्नेतलाई जेसिआईको ध्येय र लक्ष्य प्राप्तिका लागि जेसिजको आधार स्तम्भ जेसिज आस्थालाई आफ्नो अनुशासन बनाई विधिको शासन, मानवताको सेवा, विश्व बन्धुत्वको भावनालाई आत्मसाथ गर्दै युवाहरुको नेतृत्व विकास, व्यक्तित्व विकास, उद्यमशिलताको विकास सँगसँगै समाजमा सक्रिय नागरिकहरुको नेतृत्वदायी भूमिका निर्वाह गर्ने सक्रिय क्रियाशिलताको अपेक्षा सहित नेपाल जेसिजको बिधान परिच्छेद ८ को धारा ८.४ बमोजिम नेपाल जेसिज वर्ष २०२३ को नेशनल मिडिया कमिटि सदस्य पदमा मनोनयन गरिएको हो ।
उहाँ श्री ज्योति माध्यमिक विद्यालय, कमलमा सहायक प्रधानाध्यापक, एफएम प्लस गौरादका कार्यक्रम प्रस्तोता, श्री विद्योदय कलेज गौरादहका डाइरेक्टर लगायत अन्य विभिन्न सामाजिक संघसंस्थामा समेत रहनु भएको छ ।
उहाँले नेपाल जेसीजको इतिहासमा पहिलो पटक नेपाल जेसीजका सस्थापक अध्यक्ष डा. भेख ब थापा, राष्ट्रिय अध्यक्ष लगायत शाखा अध्यक्षहरु गरी १८० जनाको अन्तर्वार्ता जेसीज यात्रा कार्यक्रम मार्फत गरिसक्नुभएको छ।
कमलनगर जेसिज वर्ष २०२२ अध्यक्ष बस्नेतको सञ्चार क्षेत्रमा हिमशिखर टेलिभिजन, डिउ टेलिभिजन, एफ एम प्लस ८९.१ मेघाहर्जमा डेढ दशक लामो कार्य र अनुभव समेत रहेको छ । बस्नेतले वर्ष २०२२ को अध्यक्ष कार्यकालमा एफएम प्लस ८९.१ मेगाहर्ज गौरादहबाट रेडियो कार्यक्रम जेसिज यात्रा सञ्चालन गर्नुभएको थियो ।
Discussion about this post