पुष्पधिरेन्द्र स्मृति प्रतिष्ठान दमकको आयोजनामा रक्तदान तथा वृक्षरोपण कार्यक्रम सम्पन्न

दमक, २१ मङ्सिर – पुष्प–धिरेन्द्र स्मृति प्रतिष्ठानले आज बुधबार दमक–१ स्थित आफनो शिक्षालय परिषरमा रक्तदानसहित वृक्षरोपणको आयोजना गरेको छ ।

पुष्पराज बस्नेतको ४५औ जन्मजयन्तीका अवसर पारेर प्रतिष्ठानले विभिन्न जडिवुटीजन्य ३३ जातका विरुवाहरु रोपिएका छन् । त्यसैगरि, रक्तदानमा ३५ प्रिन्ट रगत संकलन गरिएको प्रतिष्ठानका अध्यक्ष तिर्थराज बस्नेतले जानकारी दिए ।

रक्तदानमा प्रदेश सांसद होमबहादुर थापा, माओवादी केन्द्रका प्रदेश १ कोषाध्यक्ष गगन पुरी, प्रतिष्ठानका अध्यक्ष बस्नेतसहित सर्वसाधारण ३५ जनाले रगतदान गरेका थिए । रक्तदाता बस्नेतको रक्तदान यो १०२ औ पटक हो ।

प्रदेश १ सरकारका कृषिमन्त्री झलकसिंह दर्लामी सन्देसको प्रमुख आतिथ्यतामा भएको सो कार्यक्रममा प्रदेश सांसद होमबहादुर थापा, दमक नगरपालिकाका प्रमुख रामकुमार थापा, उपप्रमुख रेगिना भट्टराई दमक नगरपालिकाका प्रमुख प्रशासकिय अधिकृत शशि राई, आम्दा अस्पतालका मेसु डा प्रकाश शर्मा, डा नवीन ढकाल, नेका नेता सुरेश सुब्बा, माओवादी, सन्तोष गौतम, भुमिका कोईराला, नेका नगर सभापति प्रकाश प्रसाईं, माओवादीका नेताहरु सिताराम अधिकारी बेदु गौतम, कृष्ण गोले संगिता सेरेङ, दमक उद्योग वाणिज्य संघका बरिष्ठ उपाध्यक्ष गोपल गुरागाई, दमक जेसीजका पूर्व अध्यक्ष चन्द्र खत्री, रक्तदाताहरु साथै शिक्षालय परिवार, स्थानीय अभिभावकहरुको उल्लेखीय उपस्थिति रहेको थियो ।

२०७५ सालमा स्थापना भएको पुष्प–धिरेन्द्र स्मृति प्रतिष्ठानले सिटीभिटी अन्तर्गतका विभिन्न प्राविधिक विषयमा पठनपाठन सञ्चालन गरिआएको छ ।\