कमल । कमलनगर जेसिजले खेलकुदको विकासकालागी युनाइटेड क्लबलाई खेलकुद सामाग्री हस्तान्तरण गरेको छ ।
कमल गाउँपालिका-२, स्थित श्री महेन्द्र रत्न माध्यमिक विद्यालयको प्राङ्गणमा सम्पन्न कार्यक्रममा जेसीजका अध्यक्ष रिजु कार्कीले युनाइटेड क्लबका अध्यक्ष तिनिल लिम्बू चेमजुङलाई खेलकुद सामाग्री हस्तान्तरण गर्नुभएको हो ।
कमलनगर जेसिज वर्ष २०२३ का कार्यकारिणी उपाध्यक्ष तिर्थ पौडेलको संयोजकत्वमा सम्पन्न कार्यक्रममा कमलनगर जेसिज वर्ष २०१८ का अध्यक्ष तथा हाल कमल-१ का वडा अध्यक्ष केदार कटुवालको प्रमुख आतिथ्यतामा कार्यक्रम सम्पन्न भएको थियो ।
खेलकुद सामाग्री हस्तान्तरण कार्यक्रममा विद्यालयका प्रधानाध्यापक बालकृष्ण संग्रौला, कमलनगर जेसिज वर्ष २०२० का अध्यक्ष हेम दाहाल, वर्ष २०२१ का अध्यक्ष छत्रपती खनाल (गोपाल), जेसीजका निवर्तमान वर्ष २०२२ का अध्यक्ष नारायण बस्नेतलगायतको उपस्थिती रहेको थियो ।
कार्यक्रमको सहजीकरण कमलनगर जेसीज वर्ष २०२३ का महासचिव हरि अधिकारीले गर्नु भएको थियो ।
Discussion about this post