किसान महासंघमा पुनः दंगाल

दमक । झापाको कमलमा सुरु भएको अखिल नेपाल किसान महासंघको सातौँ राष्ट्रिय महासम्मेलन नयाँ नेतृत्व चयन गर्दै सम्पन्न भएको छ ।

झापाको कमल गाउँपालिका वडा नं. ५ स्थित आदिबासी रंगशालामा सम्मेलनको नेकपा एमालेका अध्यक्ष केपी शर्मा ओलीले उद्घाटन गरेका थिए । दमक ४ स्थित दाहाल प्रतिष्ठानमा सम्पन्न वन्द शत्रले पुनः डा. प्रेम दंगालको अध्यक्षतामा राष्ट्रिय समिति गठन गरेको हो ।

महासंघका ५ उपाध्यक्ष, ७ सचिव, १ महासचिव र २ उपमहासचिव पनि निर्वाचित भएका छन् । उपाध्यक्षमा झापाका बेनुप्रसाद शिवाकोटी दोश्रो कार्यकालका लागि पुन निर्वाचित भए भने अन्य उपाध्यक्षहरुमा राजकुमार उप्रेती, सुर्यबहादुर साही, खड्गबहादुर खड्का र रामशरण आले रहेका छन् ।

यस्तै महासंघको सचिबहरुमा दमकका विश्वनाथ बराल, उमेशप्रसाद गुप्ता, कृष्ण अधिकारी, वेगप्रसाद गर्बुजा, आरती पौडेल, टेकबहादुर बोगटी र ताराकुमारी कार्की (खाती), महासचिवमा बाबुराम थापा निर्वाचित भएका छन् । सम्मेलनको वन्दशत्रले अध्यक्षको प्रतिवेदन सहित संगठनको विधान समेत पारित पारित गरेको छ । नयाँ कार्यसमितिको पहिलो बैठक यहि १६ गते काठमाडौमा बस्ने निर्णय भएको नवनिर्वाचित उपाध्यक्ष शिवाकोटीले जानकारी दिएका छन् ।

अखिल नेपाल किसान महासंघ नेकपा एमालेको जनवर्गीय संगठन हो ।