महेन्द्र रत्न मा. वि. परीक्षा केन्द्रमा एसईई परीक्षा अत्यन्त व्यवस्थित र मर्यादित रूपमा सञ्चालित

कमल, १७ चैत । चैत १७ गते शुक्रबारदेखि देशभरि नै सञ्चालित एसईई परीक्षाअन्तर्गत आज परीक्षाकाे पहिलाे दिन परीक्षार्थीहरूले अङ्‌ग्रेजी विषयकाे परीक्षा दिएका छन् ।

शिक्षा विकास तथा समन्वय एकाई झापाका सूचना अधिकारी भाेलानाथ दाहाल, कमल गाउँपालिकाका अध्यक्ष हुकुमसिंह राई, कमल गाउँपालिकाका प्रमुख प्रशासकीय अधिकृत राजकुमार शाक्य, कमल गाउँपालिकाका युवा, खेलकुद तथा शिक्षा शाखा प्रमुख सूर्यप्रसाद न्याैपाने, प्याब्सन केन्द्रीय उपाध्यक्ष नारायणप्रसाद घिमिरे, प्याब्सन झापाका अध्यक्ष गाैरीमान फागाे, कमल-२ का वडाअध्यक्ष अशाेक सुब्बा र कमल-२ का वडासदस्य भीमबहादुर कार्की लगायतकाे परीक्षा पर्यवेक्षण टाेलीले कमल-२ समयगढस्थित महेन्द्र रत्न मा. वि. एसईई परीक्षा केन्द्रमा सञ्चालित एसईई परीक्षाकाे अनुगमन गरेकाे छ ।

फर्निचर, विद्युत् र पङ्खाकाे राम्राे व्यवस्था रहेकाे नयाँ विद्यालय-भवनका आकर्षक कक्षा-काेठाहरूमा सञ्चालित उक्त परीक्षाकाे अनुगमन गर्दा आफूहरूले उक्त परीक्षा अत्यन्त मर्यादित र व्यवस्थित रूपमा सञ्चालन भएकाे पाएकाे टाेलीमा संलग्न व्यक्तित्वहरूले बताउनुभयाे ।

विद्यालयका प्रधानाध्यापक बालकृष्ण संग्राैला केन्द्राध्यक्ष रहनुभएकाे महेन्द्र रत्न मा. वि. एसईई परीक्षाकेन्द्रका सीसीटीभी क्यामरा जडित हरेक परीक्षा-कक्षमा परीक्षार्थीहरूकाे अवस्था र गतिविधि परीक्षा-निरीक्षकहरूकाे प्रत्यक्ष निरीक्षणकाे अतिरिक्त विद्यालयकाे कार्यालयबाट केन्द्राध्यक्ष तथा सहायक केन्द्राध्यक्षद्वारा स्क्रिनमा समेत हेरिने भएकाले सबै विषयका परीक्षाकाे वातावरण अत्यन्त मर्यादित हुने कुरामा सराेकारवाला बाैद्धिक व्यक्तित्वहरू, शिक्षाप्रेमी तथा समाजसेवीहरू, जनप्रतिनिधिहरू, विभिन्न सङ्‌घसंस्थाका प्रतिनिधिहरू लगायत सराेकारवालाहरूकाे विश्वास रहेकाे छ ।

उक्त कमल-२ स्थित महेन्द्र रत्न मा. वि. एसईई परीक्षा- केन्द्रमा नरेन्द्र जनता मा. वि. सरङपाडा, बाँसबारी मा. वि. बाँसबारी, ज्याेति मा. वि भुत्लुङ, सरस्वती मा. वि. मुजुरभिट्टा, नवाेदय माध्यमिक विद्यामन्दिर समयगढ र विद्यासदन अङ्‌ग्रेजी मा. वि. बाँसबारी गरी ६ ओटा विद्यालयका १४० जना परीक्षार्थीहरूले एसईई परीक्षा दिइरहेका छन् ।