अमेरिकामा बस्दै आएका सुबेदी दम्पतिद्धारा भुटानी शरणार्थी शिबिर दमकलाई वार्षिक ५ लाख आर्थिक सहयोग

दमक । झापाको दमकमा रहेको भुटानी शरणार्थी अपांग संघलाई अमेरिकामा बस्नुहुने मोन सुवेदीले त्रैमासिक रूपमा आर्थिक सहयोग गर्ने कार्यलाई निरन्तरता दिनु हुनेभएको छ ।

भुटानी शरणार्थी शिविर बेल्डाँगी–१ बाट पुनर्वास भएका सुवेदीले संघलाइ बार्षिक ५ लाख रुपैँया सहयोगको रूपमा सहयोग गर्ने प्रतिवद्धता अनुसार त्रैमासिक रुपमा सहयोग गर्दै आउनु भएको छ । अमेरिकमा सिजल एन्ड सिस्टर्स एलएलसी प्रा. लि. मार्फत सुवेदी परिवारले अपांगता भएका भुटानी शरणार्थीको हितका लागि सोमबार उक्त रकम सहयोग गर्नु हुने भएको हो । प्रा.लि.का सञ्चालक सुवेदीले सहयोग गर्न थाल्नु भएको एक बर्ष पुरा भईसकेको नेपालका प्रतिनिधि अभि अधिकारीले बताए ।

सुवेदीले पठाएको रकमले संघको कार्यालयमा रहेका दुई कर्मचारीको सेवासुविधा र कार्यालय सञ्चालनमा खर्च गरिरहेको भुटानी शरणर्थी संघका अध्यक्ष तनुजा तामाङले जानकारी दिनुभएको छ ।

शिविरमा हाल ४२१ जना अपांगता भएका शरणार्थी छन् । शिविरमै रोजगारी दिने उद्देश्यले संघले रोजगार मूलक कार्यक्रम चलाएको हो । सुवेदीले यसअघि पनि शरणार्थीका लागि सहयोग गर्दै आउनु भएको थियो । सुबेदिले यस भन्दा अगाडी २०० बालबालीका र बाडी पिडितका लागि घर निर्माण र अध्ययनका लागि आवश्यक साम्रगी समेत उपलब्ध गराउनु भएको थियो ।

सुबेदिले अघिल्लो बर्ष ५ लाख सहयोग गरेको र २०२३ मा पनि सहयोग गर्ने नेपाल प्रतिनिधी अभि अधिकारीले बताएका छन् ।